For an optimal result, during electropolishing material is removed from the surface using electrolytes that are specially adapted to suit the material concerned.

Gedichte - Lippisch Platt

Hier an dieser Stelle möchten wir Ihnen gerne ein paar Gedichte auf lippisch Platt vorstellen. Wir würden uns sehr freuen wenn uns Leser vielleicht das ein oder andere Gedicht zur Veröffentlichung zusenden würden. Da das lippisch Platt nur noch von wenigen gesprochen wird gibt es nur begrenzt Material welches wir auch veröffentlichen dürfen.


Eun auler Lipper

 

Hunnert Johr es heu baule worn

un mieke vell in süninen Gorn.

 

Eune derwe Natiwwer,

öbber auk eun Kratiwwer,

häol heu wall wat van`nen Neonen,

dotigen nicks van Bleomen.

 

Heu spüjje nich int Glas,

wennèr "Kloren" inne was.

 

Kontra oller Propperkeuten,

leut heu seu annere geneuten.

 

Knipsen hen un knipsen her,

heu seck dotigen auk verwehr.

 

Doch eunmol hät et klappet,

un es uppe Platten tappet.

 

Oh, wat hät heu schullen:

"Dösse Viller, dösse dullen."

Heu meune wal, niu mößt heu sterwen

un vertelle süinen Erwen:

"Eck woll doch oll mol wetten,

seu hedden müi vergetten;

niu stoh eck wedder inn` Papürn

un mott wal baule no boben schlürn."

 

Quelle: Hölters Hoppa vertellt up Plattduitsk | Lyrik un Prosa up Lippsk Platt van Harold Hölter

 

Süine eoder müine?

 

Heu meunt, de Welt hor bleoß süine;

eck froge müi, wat esw denn müine?

Mänje Minsken sind düt sonnerleck,

dorümme es müi auk velles wunnerleck.

 

Wenn eck mol eunen foppe,

werd` heu glüik wedderleck innen Koppe.

Et es doch wörklich wal keun Segen,

datt keuner Spoß mahr kann verdrejen.

 

Kickst diu mol eunen scheuwe an,

löppt süine Liune glüik dovan.

 

Quelle: Hölters Hoppa vertellt up Plattduitsk | Lyrik un Prosa up Lippsk Platt van Harold Hölter

 

Iuse blanke Herm

 

Herm kickt van boben dal,

nichman bloeß up Hakedahl,

heu suiht auk öbern Sennesand,

bethen seogar no`n Weserstrand.

 

Heu es de grötte Kerl inne Lanne,

hät öbber keune Baewanne.

 

Domols hät heu düget dosken,

vandage es heu jümmer wosken.

 

Verdanken doit heu`t iusen Regen,

de för süine Reunleckkeut eun Segen.

 

Dorümme es iuse Weder faken natt,

Petrus doit domert för iusen Herm wat.

 

Quelle: Hölters Hoppa vertellt up Plattduitsk | Lyrik un Prosa up Lippsk Platt van Harold Hölter

 

Weitere Gedichte und Geschichten können Sie im Buch - Hölters Hoppa vertellt up Plattduitsk, herausgegeben vom Lippischen Heimatbund unter der Reihe Lippische Heimatbücher lesen.

 

Müin Lipperland

 

Lipperland diu bist´ ne Perle

Nirns est schöner uper Welt

Düine Teler düine Berge

Den möcht eck seöhn, den`t nich gefellt

 

Wenn eck mol morns in oller Uchte

Dür wiesen, Feild un Hölder goh

Dat es für Müi dat allerschönste

Denn nin eck iusen Herrchott noh

 

Wie oft leäp eck de Wege längs

De eck as Kind seo oft bin gohn

Un jümmer find eck wier wat Nigges

Dat werd`t müi nirns woanster bohn

 

Eöt es doch wirklich Keön Geprohlse

Eck bin nur seo vaknallt in Düi

Wo eck goh un wo eck stohe

Eöt kann doch nirns wo schöner süin

 

Es müine Tüit hür mol teo Enne

Mot eck für jüpmmer van hür gohn

Leg eck dat erbe in Chottes Henne

Seo ost für us, de Äelen hät dohn

 

Un häbbe eck eönen Wunsk neo op`n

Eck möcht hür begrab´n wern

Denn hür, könn eck nur eöwig schlap`n

Nur hür, in müiner Heimatern

 

Text - Müin Lipperland: Friedrich Rehmsmeier - Hillentrup

 

Müin Heimatdörp

 

Wo de Schöne Kerken bob´n in´n Dörpe steöht

Un de Weg bergup bet no Hamejen geöht

Wo man geot kann wandern, mol bergdal-bergup

Do es müne Heöme, do liggt Hillentrup

 

Wo de Bieke es seo reggen un seo klor

Un man Feste führt, neo no de eälen Ord

Wo de Pöpp`n quarket, iut`n Höpperlok

Do es müine Heöme, do liggt Hillentrup

 

Wo de Minsken truwe un neo ehrlik sind

Un man eäk dat Cheld nich uper Strode find

Wo de Lerchen stüiget, heoch ten Himmel up

Do es müine Heöme, do liggt Hillentrup

 

Wo de Möllmag stüil sik inne Heöchte rekt

Un de Äelen soms gemütlich für de Dür neo Sit`t

Wo de Eikern Kladdert risk an`n Beäm harup

Do es müine Heäme, do liggt Hillentrup

 

Wo de Lui neo lustig un vagneoiget sind

Un man eäk neo viele eäle Huiser find

Wo man met de Kumpels, drinkt moln Beör un`n Schluk

Do es müine Heöme, do liggt Hillentrup

 

Wat eck juk jets seggenwell, dat es chans klor

Düt es müine Heöme un eck blüibe hür

Hettet Afscheöd niehmen, seo ost jeöder mot

Duis sass feoider lieb´n, müin schönet Hillentrup

 

Text - Müin Heimatdörp: Friedrich Rehmsmeier - Hillentrup

 

 

Lippische Sprichwörter

 

  • Kleoke Köppe hät meist kahle Röcke.
  • Dür Frogen wert man wüis, dür't Oller wert man grüis.
  • Wer nich äolt wern well, mot sik jung uphangen.
  • Jeude duister Wolke regent nich.
  • Unrecht Geot kümmt nich an'n drütten Erben.
  • Äole Bäume sall man nich meier ümmeplanten.
  • Wer d'er nich es, den wert de Bort nich wasken.
  • Wo hobbet wert, fallt Späuhne.